Ховд аймагт 3 удаагийн давтамжтай газар хөдлөлт бүртгэгджээ

Ховд аймгийн Зэрэг, Мөст, Дарви суманд өнөөдөр (2026.04.26) 3 удаагийн давтамжтай газар хөдлөлт бүртгэгдлээ.

Тодруулбал:

Зэрэг сумын төвөөс зүүн урд зүгт 26 км зайд 5.5 магнитуд,

Мөст сумын төвөөс зүүн хойд зүгт 28 км зайд 4.2 магнитуд,

Дарви сумын төвөөс баруун хойд зүгт 40 км зайд 3.9 магнитудын хүчтэй.

Газар хөдлөлтийн чичирхийлэл тус аймгийн Алтай, Булган, Дарви, Дөргөн, Дуут, Жаргалант, Зэрэг, Манхан, Мөнххайрхан, Мөст, Үенч, Чандмань, Цэцэг, Ховд, Эрдэнэбүрэн зэрэг 15 суманд мэдрэгдсэн байна.