Монгол Улсад 1500 орчим малын эмч ажиллаж байна

Дэлхийн мал эмнэлгийн өдөр бямба гарагт тохиолоо. Энэ жил "Малын эмч бол хүнс, эрүүл мэндийн хамгаалагч" гэсэн уриан дор тэмдэглэсэн байна.

СОНИРХУУЛАХАД:

-Дэлхийн амьтны эрүүл мэндийн байгууллагын (WOAH) хамгийн сүүлийн үеийн мэдээллээр дэлхий даяар нийт 1.1 сая орчим малын эмч ажиллаж байна.

-Хэрэв малын эмчээс гадна туслах ажилтан, техникч зэрэг малын эрүүл мэндийн салбарын нийт ажиллах хүчнийг тооцвол энэ тоо 2.2 сая хүрнэ.

-Малын эмч нарын тоо улс орнуудад харилцан адилгүй байдаг. Тухайлбал:

-АНУ: 113,000–118,000 орчим малын эмчтэй. Энэ үзүүлэлтээрээ дэлхийд тэргүүлдэг.

-Хятад: 80,000–100,000 орчим тусгай зөвшөөрөлтэй малын эмчтэй.

-Энэтхэг: 63,000–65,000 орчим малын эмчтэй.

-Европ тивийн хэмжээнд: Нийт 328,000 гаруй малын эмч ажиллаж байна.

Монгол Улсын хувьд 2023 оны эцсийн байдлаар анхан шатны нэгжүүдэд 1500 орчим малын эмч ажиллаж байгаа бөгөөд олон улсын жишигтэй харьцуулахад нэг эмчид ногдох малын тоо (50 мянга орчим) маш өндөр буюу ажиллах хүчний дутагдалтай байна.

Малын эмч нарын дэлхийн холбоо World Veterinary Association (WVA) нь 90 гаруй гишүүн холбоодоороо дамжуулан нийт 500,000 гаруй малын эмчийг эгнээндээ нэгтгэн, тэдний дуу хоолой болж ажилладаг.