Л.Энх-Амгалан: Хан-Уул дүүрэг тэр чигээрээ хувийн сургууль болчихсон байна

Боловсролын сайд Л.Энх-Амгалан боловсролын салбарын нөхцөл байдал болон өнгөрсөн хугацаанд яамны зүгээс хийж хэрэгжүүлсэн ажилд шүүмжлэлтэй хандаж буйгаа илэрхийлжээ. Энэ талаар тэрээр "Боловсролын ялгаа их гарсан байна. Хувийн сургууль, төрийн сургуулийн харьцаа алдагдсан байна. Нийслэлд төрийн сургууль, хувийн сургуулийн харьцаа 18 хувьд хүрчихсэн.

Хэн боломжтой нь хувийн сургуульд хүүхдээ өгөөд яв гэж байгаа юм уу. Боломжгүй айлын хүүхдүүдийг хаяж байгаа юм уу?

Би сугалааны цэцэрлэгийг шийдчихээд залгуулаад та нар хотхоны бага сургууль хийгээрэй гэж үүрэг өгсөн. Хаачив өнөөдөр хотхоны бага сургууль? Байхгүй.

Нийслэл дээр байгаа 3-аас 5 мянган хүүхэдтэй сургуулиудаа задлаарай, төрөлжсөн ахлах сургууль болгоорой гэдэг үүрэг чиглэлүүдийг өгөөд, холбогдох бүх шийдвэр тушаалуудыг нь Засгийн газраар батлуулж өгсөн.

Хан-Уул дүүрэг тэр чигээрээ хувийн сургууль болчихсон байж байна. Хувийн сургуулиуд толгой дээр чинь гараад суучихсан.

Дураараа үнэ төлбөрөө нэмдэг. Боловсролын бодлого гэж ийм байдаггүй юм. Та нар тендерийг яаман дээр авч байхаар яам энийгээ хийхгүй яасан юм бэ" гэлээ. 

ДЭЛГЭРЭНГҮЙ ҮЗЭХ