“Музейн нээлттэй өдрүүд-2026” арга хэмжээний хүрээнд нийт 185,990 иргэн үйлчлүүлжээ

Соёл, спорт, аялал жуулчлал, залуучуудын яамнаас түүх, соёлын дурсгалт зүйл, урлагийн бүтээлээр дамжуулан иргэд, хүүхэд, залуучуудад үндэсний бахархал, эх оронч үзлийг төлөвшүүлэх, гэр бүлийн боловсрол, хамтын оролцоог дэмжих зорилгоор зохион байгуулсан “МУЗЕЙН НЭЭЛТТЭЙ ӨДРҮҮД-2026” арга хэмжээ амжилттай болж өндөрлөлөө.

Улаанбаатар хот болон 21 аймагт үйл ажиллагаа явуулдаг төрийн болон орон нутгийн өмчийн 35 музей байнгын үзүүллэгийн танхимаараа нийт 185,990 иргэнд үнэ төлбөргүй үйлчилсэн байна.