ДОРНЫН ЗУРХАЙ: Энэ өдөр доодсыг асран өглөг, хандив өргөхөд сайн

НАМРЫН ДУНД ЦАГААГЧИН ТАХИА САРЫН НЭГ ЦАГААН МЭНГЭТЭЙ ХАРАГЧИН ТУУЛАЙ ӨДӨР

• Аргын тооллын: 2023.10.12, Пүрэв гараг
• Билгийн тооллын: 28
• Үс засуулвал: Хэрүүл тэмцэл ирнэ
• Наран ургах, шингэх: 07.06-18.11
• Барилдлага: Хотол чуулган
• Шүтэн барилдлага: Сэрэхүй
• Суудал: Хий

Энэ өдөр гахай жилтнээ аливаа үйлийг хийхэд эерэг сайн ба луу, үхэр хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.