Ханжоу 2022: Монголын усанд сэлэгч анх удаа Азийн наадмын финалд шалгарлаа

Нийт 10 зайд хурд сорьсон Монголын усанд сэлэгчдээс эмэгтэйчүүдийн 200 метрийн чөлөөт сэлэлтэд хурд сорьсон Б.Энххүслэн 2:00.89 минутад зайгаа дуусгаснаар гараандаа гуравдугаар байр эзэллээ.

Ингээд нийлбэр дүнгээр манай тамирчин 6-рт бичигдэж, шигшээ уралдаанд оролцох эрхээ авлаа. Урьдчилсан шатанд БНХАУ-ын Ли Бин Хэ 1:58. 90 амжилтаар тэргүүлж байна.

Финалын уралдаанд манай тамирчин өнөөдөр 19:48 цагаас 7 дугаар шугамаас гарна.