Дэлхийн 45 улс Туркт тусламжийн гараа сунгаад байна

Юу болов
 

• Хоёрдугаар сарын 5-6-нд шилжих шөнө Туркийн Кахраманмараш мужийн Пазаржик дүүрэгт орон нутгийн цагаар 04.17 цагт 7.4 магнитудын хүчтэй газар бүртгэгджээ.
   
• Эхний газар хөдлөлтөөс хойш 30 минутын турш бусад бүс нутаг, тэр дундаа голомтоос 600 км зайд орших Анкарад чичирхийлэл мэдрэгдэв.
   
• Үүний дараа 6.4-6.6 магнитудын хүчтэй гурван газар хөдлөлт Газиантеп мужид болж, 100 чичирхийлэл бүртгэгдэв.
   
• Эхний газар хөдлөлтөөс хойш хэдэн цагийн дараа Туркийн Онцгой байдлын алба чичирхийллийн хүч суларч, 3.9-4.1 магнитудад хүрсэн тухай мэдээлжээ.
   
• Туркийн Ерөнхийлөгч Режеп Тайип Эрдоган энэ сарын 12-ныг хүртэл үндэсний гашуудал зарлалаа. 

Шинэ газар хөдлөлтүүд
 

• Даваа гарагийн өдөр Туркийн зүүн өмнөд хэсэгт дахин газар хөдлөлт болов. 4.2 магнитудын хүчтэй газар хөдлөлтийн голомт Малатья мужид бүртгэгдэж, чичирхийлэл Анкарад мэдрэгджээ.
   
• Хожим нь Кахраманмараш мужид хоёр дахь удаа хүчтэй газар хөдлөв. 7.7 магнитудын хүчтэй газар хөдлөлтийн голом Эльбистан хотын бүсэд долоон км гүнд бүртгэгдэв.
   
• Үүн дараа 5.9 магнитудын хүчтэй газар хөдлөлт Кахраманмараш хотоос хойд зүгт бүртгэгджээ.

Олон улсын тусламж
 

• Байгалийн гамшигт нэрвэгдсэн Туркт одоогоор дэлхийн 45 улс орон тусламж үзүүлэх санал тавиад байна. Тухайлбал, Австри, Азербайжан, Алжир, Болгар, Их Британи, Унгар, Герман, Грек, Гүрж, Египет, Израил, Энэтхэг, Ирак, Иран, Испани, Итали, Канад, Казахстан, Киргиз, БНХАУ, Польш, Серби, АНУ, Узбекистан, Франц, Хорват, Чех, Швейцар, Швед, Япон зэрэг улс тусламжийн гараа сунгахад бэлэн гэдгээ мэдэгджээ.
   
• Европын Холбоо, НАТО, НҮБ болон Олон улсын атомын энергийн агентлаг зэрэг олон улсын байгууллага, холбоод тусламж үзүүлэх хүсэлтээ илэрхийллээ. 
   
• Туркийн Ерөнхийлөгч Режеп Тайип Эрдоган ОХУ-аас туслалцаа үзүүлэх саналыг хүлээн авсан байна. Оросын талаас 300 гаруй цэрэг, 30 цэргийн болон тусгай техник аврах ажиллагаанд дайчлахаар болжээ.
   
• БНХАУ шуурхай механизм ажиллуулж эхэлжээ. 
   
• Катар Туркт тусламж үзүүлэх "Агаарын гүүр" ажиллагаа зохион байгуулна.
   
• Гүрж 60 аврагчаа Турк рүү илгээлээ.
   
• Их Британи, Нидерланд, АНЭУ,Тайвань, Беларусь, Швейцар, Израил, Итали, Азербайжан, Словак зэрэг улсууд Турк руу аврагчдын багаа илгээлээ. 
   
• Пакистан хүмүүнлэгийн тусламж үзүүлж эхэллээ. 
   
• Илон Маск Турк руу “Starlink” сүлжээний терминалаа Турк руу илгээхэд бэлэн буйгаа илэрхийлэв.