Дэд сайд М.Ганхүлэг Сүхбаатар аймагт ажиллаж байна

Хүнс, хөдөө аж ахуй, хөнгөн үйлдвэрийн Дэд сайд М.Ганхүлэг Улаанбаатар хотоос Сүхбаатар аймагт шилжин суурьших иргэд, аж ахуйн нэгж, байгууллагыг дэмжих “Нээлттэй аймаг Сүхбаатар” хөтөлбөрийн сургалт хэлэлцүүлэгт оролцож, “Алсын хараа 2050”, “Шинэ сэргэлтийн бодлого”, ажлын хэсгийн 2022-2024 онд хэрэгжүүлэх ажлын ерөнхий төлөвлөгөөг танилцуулж, орон нутгийн төлөөлөлтэй хэлэлцүүлэг өрнүүллээ.

Мөн тус аймгийн Хүнс, хөдөө аж ахуйн газар, Мал эмнэлгийн газрын удирдлагуудтай уулзаж, цаг үеийн болон тулгамдаж буй асуудал, цаашид хэрэгжүүлэх арга хэмжээний талаар санал солилцов.