Говь-Алтайд тарваган тахлын сэжигтэй тохиолдол илэрчээ

Тарваган тахлын сэжигтэй тохиолдол илэрсэн тул өчигдрийн 19:00 цагаас /2022.08.22/ өнөөдрийн 19:00 цаг хүртэл Есөнбулаг сумд хөл хорио тогтоожээ.

Есөнбулаг сумд 2022.08.20-ны өдөр хавхаар тарвага агнаж идсэн иргэнээс "Тарваган тахал" өвчний эмнэлзүйн шинж тэмдэг илэрсэн тул мэргэжлийн байгууллагууд хариу арга хэмжээг шуурхай авч ажиллан, сорьцыг Зоонозын өвчин судлалын үндэсний төв рүү илгээлээ. Шинжилгээний хариу гарах хүртэл буюу 2022.08.22-ны 19:00 цагаас 2022.08.23-ны 19:00 цаг хүртэл хөл хорио тогтоож, гарах хөдөлгөөнийг хязгаарласан аж.