Шинэ ангийн шав тавихаар 341-р анги АЛТАЙ НУТГИЙГ ЗОРИЛОО

2022 оны 06 сарын 24

Монгол Улсын Батлан хамгаалахын сайд, ЗХЖШ-ын даргын тушаалын дагуу Говь-Алтай аймагт Зэвсэгт хүчний 341 дүгээр анги байгуулах анхны шанг татахаар ангийн захирагч, хурандаа Б.Энхбаяр тэргүүтэй бие бүрэлдэхүүн энэ сарын 20-ны өдөр Алтай нутгийг зорилоо.

Батлан хамгаалах бодлого, Зэвсэгт хүчний үйл ажиллагааг Алтай нутагт хэрэгжүүлэх их үйлст нь амжилт хүсэж, тус ангийн бие бүрэлдэхүүнийг ЗХЖШ, Барилга-инженерийн цэргийн удирдах газрын төлөөлөл үдэн гаргасан юм.

Аян замд гарахын өмнө Зэвсэгт хүчний 341 дүгээр ангийн захирагч, хурандаа Б.Энхбаяр "Говь-Алтай аймагт шинээр байгуулагдах ангийн захирагчаар томилогдон Зэвсэгт хүчний түүхийг бичилцэх, шинэ ангийн суурийг тавих болсондоо баяртай байна. Орон нутагтаа Батлан хамгаалах бодлого, Зэвсэгт хүчний үйл ажиллагааг аймгийн иргэд, хүүхэд залуучуудад сурталчлан таниулж, иргэн-цэргийн харилцааг бэхжүүлэн ажиллаж, Говь-Алтай аймгийн хөгжил цэцэглэлтэд Зэвсэгт хүчний оролцоог нэмэгдүүлэх болно" гэдгийг онцоллоо.

Түүнчлэн шинэ ангийн шав тавих ёслолын ажиллагааг ирэх 7 дугаар сард зохион байгуулахаар төлөвлөжээ.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн (66.181.161.57)  2022 оны 06 сарын 25

Цэргийнхний цол нэмэгдэх гүзээ нь ч сунах 2 ижил хамааралтай юмаа.

0  |  0
Top