Ложистикийн төв зах зээлийн нэгдсэн дэд бүтцийг сайжруулна

2021 оны 02 сарын 25

Хөдөө аж ахуйн гаралтай бараа, түүхий эдийн арилжааг идэвхжүүлэх, зах зээлийн нэгдсэн дэд бүтцийг сайжруулах зорилгоор Улаанбаатар хотоос 50 километрийн зайд Төв аймгийн Аргалант сумын хоёр дугаар багийн нутаг дэвсгэрт “4 га” газарт байрлах Ложистикийн төвийг “Хөдөө аж ахуйн бирж” ХХК хөрөнгө оруулалт хийж барьж байгуулсан. Тус төвд

  • ноос, ноолуурын 600 метр квадрат агуулах,
  • мах, хүнсний 200 метр квадрат хөргүүртэй агуулах,
  • 210 метр квадрат талбайтай оффисын байр баригдаж байгаа бөгөөд энэ нь дуудлага худалдаа хийх танхим, лаборатори, албан контор байх юм.

Ложистикийн төв нь Улаанбаатар хотод хөдөө аж ахуйн гаралтай бараа, түүхий эдийг бэлтгэх, чанарыг тодорхойлох /лаборатори/, тээвэрлэх, хадгалах, даатгах болон биржээр арилжих цогц үйл ажиллагааг явуулахаар төлөвлөсөн бөгөөд дараах боломж бүрдэнэ. Үүнд:

  1. Арилжаалсан бараа, түүхий эдийг итгэмжлэгдсэн агуулахад хадгалах, ложистикийн систем болон хяналтын системээр дамжуулан биет бүтээгдэхүүний арилжааг хөнгөвчлөх,
  2. Дуудлага худалдааг тогтмол зохион байгуулах,
  3. Дотоодын үйлдвэрүүдийг арилжаанд оруулах, тэднийг дэмжих.

 

Улаанбаатар хотын ложистикийн төвөөр дамжих зах зээлийн зохион байгуулалт 

“Хөдөө аж ахуйн бирж” ХХК нь ложистикийн төвийн барилга барихад зориулж биржийн 2019 оны эдийн засгийн үндсэн үзүүлэлт, зорилтот түвшинд 2,000.0 сая төгрөг төсөвлөснөөс Төрийн болон орон нутгийн өмчийн тухай хуулийн дагуу тендер зарлаж тендерт “Түшигт арга констракшн” ХХК шалгарч, тус барилгын ажлыг 1,753.24 сая төгрөгөөр гүйцэтгэхээр гэрээлж, 246.76 сая төгрөгийг хэмнэсэн.  

Одоогоор тус төвийн бүтээн байгуулалтын ажил дууссан бөгөөд энэ оны хоёр дугаар улиралд багтаан ашиглалтад оруулахаар төлөвлөж байна.

Эх сурвалж: ХХААХҮЯам

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top