Энэтхэгийн нийслэл Шинэ Дели хотоос коронавирус илэрлээ
Бүгд найрамдах Энэтхэг улсын нийслэл Шинэ Дели хотоос коронавирусний тохиолдол илэрсэн тухай тус улсын Засгийн газар мэдээллээ.
Коронавирусээр нэмж хоёр хүн оношлогдсоны нэг нь Шинэ Дели хот, нөгөө нь Телангана мужийн харьяат байжээ. Өвчтөнүүдийн биеийн байдал тогтвортой, эмч нарын хяналтад орсон байна
Өвчтөнүүдийн нэг нь Итали улсад зорчсон бол нөгөө нь Арабын нэгдсэн эмирт улсын Дубай хотоос аялж ирээд удаагүй байсан аж.
Энэтхэгийн Керала мужид хоёрдугаар сарын эхээр гурван хүнд коронавирус илэрсэн нь тус улсын нутаг дэвсгэрт коронавирусээр оношлогдсон анхны тохиолдол байлаа.
Жонс Хопкинсийн их сургуулийн цахим дата баазын мэдээллээр одоогийн байдлаар “КОВИД-19” буюу шинэ төрлийн коронавирусээр дэлхий даяар 89.1 мянган хүн оношлогдож, амиа алдагсдын тоо 3000-аас даваад байна.
Update on #COVID19:
— Ministry of Health (@MoHFW_INDIA) March 2, 2020
Two positive cases of #nCoV19 detected. More details in the Press Release.#coronoavirusoutbreak #CoronaVirusUpdate pic.twitter.com/kf83odGo8f
Эх сурвалж: India Times
Холбоотой мэдээ
Сэтгэгдэл ( 2 )
Энэтхэг гайгүй байхөө, вирус 30-аас дээш халуунд үхдэг
Тэрбум хүн амтай, дийлэнх нь бохир заваан, ядуу хүн ам ихтэй Энэтхэг маш сайн сэргийлэхгүй бол өнгөрчээ