АН-ын дотоод сонгуулийн санал хураалт болж байна

 Ардчилсан намын шинэчлэлийн хоёр дахь давалгаа болсон Дотоод сонгуулийн санал хураалт өнөөдөр 10:00 цагаас орон даяар эхэллээ. Энэхүү сонгуулиар аймаг, нийслэл, дүүргийн намын хорооны дарга, гишүүд, Үндэсний бодлогын хорооны гишүүдээ бүх гишүүдийнхээ саналаар тодруулах юм. Сүхбаатар аймаг, Баянгол, Баянзүрх, Сүхбаатар дүүргээс бусад аймаг дүүргүүдэд намын даргыг шинээр сонгох юм.

Санал хураалт ням гаригийн 22:00 цаг хүртэл үргэлжилнэ. Ардчилсан намын дарга С.Эрдэнэ өнөөдөр Баянгол дүүргийн 10 дугаар хороололд байрлах санал авах байранд очиж саналаа өгчээ.