Шинэ оны нарыг хамтдаа угтана

Шинэ оны анхны нарыг харснаар ирж буй шинэ жилдээ аз хийморьтой, ажил үйлс бүтэмжтэй байдаг гэж монголчууд бэлгэшээдэг. Тиймээс шинэ он болон цагаан сараар анхны нарыг харахаар монголчууд аялалд гардаг. Шинэ оны анхны нарыг харах аялалыг Монголын залуучуудын холбооноос  энэ оны нэгдүгээр сарын 1-нд зохион байгуулахаар болжээ. Нар харах ёслол Хангай зөрлөг дээр болох юм байна. Энэ үеэр тус холбооныхон шинэ оны нарыг харах аялалд оролцогчдод зориулж, галын наадам,чөлөөт  үзүүлбэр, төрөл бүрийн  хөгжөөнт тоглоом цасны баярыг зохион байгуулахаар  төлөвлөжээ.