Сэрэмжлүүлэг мэдээ: Таксины жолооч үйлчлүүлэгч эмэгтэйгээ зэрэмдэглэсэн хэрэг гарчээ
Сонгинохайрхан дүүрэгт таксины жолооч үйлчлүүлэгч эмэгтэйгээ зэрэмдэглэсэн хэрэг гарчээ. Хэргийн талаар дэлгэрүүлбэл Сонгинохайрхан дүүргийн нутаг дэвсгэрт таксины жолооч үйлчлүүлэгч эмэгтэйгээ хүчирхийлэхийг завдаж, улмаар хутгалж хээр хаясан хэрэг гарчээ.
22-ын товчооноос 30 гаруй насны эмэгтэй 61-ийн гармын орчимд айлд очиж ирэхээр такси барьжээ. Таксины жолооч 50 гаруй насны этгээд байсан бөгөөд үнэ мөнгөнөөс болж маргалдсан бололтой хээр аваачин цээж, гарыг нь хутгалж хаяаад явсан байна. Хохирогч эмэгтэйг ямаа хариулж явсан хоёр охин олжээ.
Хохирогч “Амь авраарай, аллаа” хэмээн орилоод байхаар нь яваад очтол сэжигтэн этгээд машинаа асаагаад зугтаасан байна. Охид тэр даруй цагдаад мэдэгдсэн бөгөөд сэжигтэн этгээдийг айлд байхад нь баривчилжээ. Хэргийг Сонгинохайрхан дүүргийн Цагдаагийн хэлтэст үргэлжлүүлэн шалгаж байгаа аж.
Сэтгэгдэл ( 7 )
yvah gazraa heleheer haana bdgiin geed yu ch medehgui bj taxind yavah yumaa. ene huduuniihun.malaa hariulaad l mahaa bidend unetei zaraad l bj bhgui.
хувиараа таксинд явдаг нөхдүүдийг эмх цэгцэнд оруулъя
юу ч гэж хэлмээр юм дээ. Монголчууд бид яагаад байна даа.
sda ene songino hairhan dvvreg yatsiiin