“Хаадын хаан” лааны тосон үзэсгэлэн нээгдлээ

Монголын театрын музейд Монголын аялал жуучлалын холбоо, “Чингис хаан вакс галерей” компани хамтран Монголд анх удаа “Хаадын хаан” лааны тосон үзэсгэлэнг нээлээ. Үзэсгэлэнд Чингис хаан ба Монголын эзэнт гүрнийг байгуулахад түүхэн үүрэг гүйцэтгэсэн Өгөөдэй, Цагаадай, Зүч зэрэг 12 эрхмийн баримлыг тавьжээ. Эдгээр лааны тосон баримлыг хоёр жилийн турш урласан байна. Мөн хүмүүс түүхэн баатруудын талаар арай илүү бодит дүр төрхийг харуулжээ. Түүнээс гадна судлаачдын гаргасан баримт нотолгоон дээр суурилан дээрх тосон баримлуудыг хийснээрээ онцлогтой ажээ. Дашрамд дурдахад, өнөөдрөөс эхлэн үзэсгэлэн олон нийтэд нээлттэй болж буй юм байна.