Ахмадууддаа баяр хүргэж, гарын бэлэг гардуулав

Ахмадын баярын өдрийг угтан “Ахмад настнаа хүндэлье” арга хэмжээг Нийслэлийн халамж үйлчилгээний газар, “Монголын чөлөөт ахмадын холбоо”, “Монос фарм” хамтран зохион байгуулж, нийслэлд амьдарч буй 100-аас дээш настай есөн өндөр настанд баяр хүргэж гарын бэлэг гардууллаа. Өнөөдрийн байдлаар нийслэлийн хэмжээнд 62 146 өндөр настан халамж үйлчилгээнд хамрагддаг. 80-аас дээш настай 7 144,  95-аас дээш настай 246, 100-аас дээш настай 27, алдар цолтой 1 495 өндөр настан Улаанбаатар хотод амьдарч байна.