Э.Эрдэнэжамъяны шүүх хурал ирэх пүрэв гарагт товложээ

Хуульзүйн дэд сайд Э.Эрдэнэжамъянд холбогдох хэргийг шүүх хурал өнөөдөр Сүхбаатар дүүргийн шүүхийн Эрүүгийн танхимд болох байсан ч дахин хойшлогдлоо. Э.Эрдэнэжамъяан өмгөөлөгчөө сольсон тул шинэ өмгөөлөгчид хавтаст хэрэгтэй танилцах хугацаа олгохыг хүссэн байна. Тиймээс шүүхээс энэ хүсэлтийг нь хүлээн авч ирэх пүрэв гарагт товлов.

  Хэргийг сануулбал, АТГ-аас түүнд Ерөнхийлөгч асан  Н.Энхбаярын авлигын хэрэгт холбогдсон түүний төрсөн дүү Н.Энхтуяа, туслах Б.Хуяг нарыг эрэн сурвалжлахыг зогсоохыг хүссэн агуулгатай захидлыг Интерполд илгээсэнтэй холбогдуулан  эрүүгийн хэрэг үүсгэн шалгасан юм. Хууль зүйн дэд сайдыг захидал явуулсны дараахан Б.Хуяг, Н.Энхтуяа нарыг олон улсад эрэн сурвалжлах хуульд заасан үндэслэлд таарч байгаа эсэхийг дахин судалж, хариу ирүүлэх хүсэлтийг тус газрын ерөнхий нарийн бичгийн даргын газраас Интерполын Монголын товчоонд ирүүлсэн юм.