Монголбанк найман сая ам.доллар худалдав
Монголбанкнаас өчигдөр хувиар ёсоор гадаад валютын дуудлага худалдааг зохион байгууллаа. Арилжааны банкууд ам.доллар, юань худалдаж авах санал ирүүлсэн бөгөөд Монголбанк энэ удаагийн арилжаагаар найман сая ам.доллар худалдсан байна. Мөн 129 сая юанийг 271 төгрөгийн хаалтын ханштайгаар худалдаж, валютын захад ам.доллар болон юань нийлүүлэв.
Өчигдөрийн арилжаагаар банкууд 59 сая ам.долларыг своп хэлцлээр худалдан авах санал ирүүлсэн бөгөөд Монголбанк саналыг 100 хувь биелүүлж, валютын захад ам.доллар нийлүүлсэн байна.
Монголбанкнаас гадаад валютын дуудлага худалдааг долоо хоног бүрийн мягмар, пүрэв гарагуудад тогтмол зохион байгуулдаг бөгөөд дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог.
Энэхүү мэдээллийн эцсийн зорилго нь валютын захын тогтвортой байдал, төгрөгийн ханшийн огцом хэлбэлзлийг үүсгэхгүй байхад чиглэгддэг.
Өчигдөрийн байдлаар Төвбанкинд нэг ам.доллар 1653 төгрөг байсан бол арилжааны банкуудад 1673-1683 төгрөгөөр зах зээлд нийлүүлж байна.
Холбоотой мэдээ
Сэтгэгдэл ( 4 )
Хүн болгон доллараар наймаа хийхгүй ганзага наймаа юанаар Эрээнд явагддаг тэгэхээр бохир улс төртэй холбоотой их мөнгө хяналтаас гадуур байгааг улс төрийн зорилгоор эрх мэдлээ алдагсад цаагуураа ашиглаж байгаа эсхийг шалгах хэрэгтэй. Яагаад гэвэл тэд манай толгой баячуудын тоонд орно үүнийг тэдний АТГ-т өгсөн орлогын мэдүүлгүүд гэрчилдэг шүү дээ. Үүнээс улбаалан долларын ханшийг хяналтанд оруулж мөнгө хүүлэгчдийг хумих цаг болсны илрэл? Валютын ченж ард нь хэн... ?
$ ene sariin dundaas buux uchir odoonoos exleed xamaagui $ avch shatav daa.