Ш.Алтантуяагийн амь насыг зэрлэгээр хөнөөсөн этгээдүүд 4 жил хоригдоод суллагдав уу

Малайзын улстөрийн нөлөө бүхий эрхмүүдийн захиалгаар Монгол Улсын иргэн Ш.Алтантуяагийн амь насыг зэрлэгээр хөнөөсөн гэх хэрэгтнүүдийн давж заалдах шатны шүүх хурал өнгөрсөн сарын 23-нд болж өнгөрлөө. Уг шүүх хурлаар Монгол Улсын иргэн Ш.Алтантуяаг хөнөөсөн хэргийн  яллагдагч болох Малайзын Аюулгүй байдлын албаны хоёр ажилтаны давж заалдах өргөдлийг хянан хэлэлцсэн байна. Шүүх хурал гурван шүүгчийн бүрэлдэхүүнтэй хуралдсан аж. Ингээд Малайзын холбооны давж заалдах шатны шүүхээс сэжигтнийг буруутгах хангалттай нотлох баримт байхгүй, аллага хийх санаа зорилготой байсан эсэхийг нотолж чадаагүй, хэрэг гарах үед сэжигтнүүд хэргийн газар байсан нь нотлогдоогүй гэх мэтээр  найман үндэслэл зааж , 2009 оны дээд шүүхээс сэжигтнүүдийг цаазаар авах ялыг хүчингүй болгожээ. Гэвч энэ олон жил энэхүү хэрэгт сэжиглэгдэн шалгагдаж, шүүхээс цаазаар авах ялын дээд хэмжээ аваад уг ялаа дөрвөн жил эдэлсэн ялтнуудад холбогдох хэргийг тус улсын давж заалдах шүүх шударга шийдсэнгүй. Гэхдээ манай талд албан ёсны шүүхийн шийдвэр ирээгүй байгаа учир шүүхийн шийдвэрийг албан ёсоор манай талд өгөхийг хүсч Гадаад харицлааны яамны Консулын газраас Малайзын талд нот бичиг явуулсан байна.