Найзынхаа нөхрийг булаасан Номико өөр эртэй учирчээ

“Спайк” хамтлагаа тарснаас хойш бие даасан уран бүтээл хийх гэж хэрэндээ л зүтгэж явсан ч төд удалгүй мартагдсан дуучин бол Р.Номин-Эрдэнэ. Хар багаасаа найзалж нөхөрлөсөн дуучин Э.Минжинсортой нэг залуугаас болж муудалцан хэвлэлээр нэг “хэрэлдэж” байсан түүх ч бий. Улмаар уран бүтээлд нь тусалж ирсэн сайн найзынхаа нөхрийг булаагаад сайн муугаараа баахан дуудуулсан. “Драгон” төвийн шоу менежерээр ажилладаг найз бүсгүй нь гэр бүлээ аварч үлдэх гэж чамгүй хичээсэн ч Номико нөхрөөс нь салж өгөхгүй байсаар өөрийн болгосон гэлцдэг юм билээ.

УИХ-ын гишүүн Д.Арвины дүү болох томоохон компанийн захиралтай ханилж, хөөрхөн охинтой болоод амжсан Номикогийн амьдрал хэсэгтээ л сайхан байсан нь тодорхой. “N shop” нэртэй хувцасны дэлгүүр нээсэн тэрбээр нөхрийнхөө дэмжлэгээр зочид буудал ажиллуулж, хэрэндээ л бизнесмэн хатагтай болсон юмдаг. Гэвч төд удалгүй өөр эртэй учир ургуулан гэрийн бараа харахаа больсон гэгдэж, баян нөхөртөө хаягдаж хоцорчээ. Бусдын гэр бүлийг үймүүлэн байж босгосон амьдрал нь ийнхүү нэг л өдөр нурж орхисонд сэтгэл гонсойгоогүй Номико мөнөөх залуутайгаа христийн сүмд хуримлаж, хуучин нөхрөөсөө авч үлдсэн мөнгөөрөө бизнесээ үргэлжлүүлж яваа гэнэ лээ.

С.Цахиур