Боинг 767 агаарын хөлөг анхны зорчигчдодоо дурсгалын зүйл гардуулав

Монголын агаарын тээврийн МИАТ компанийн шинэ Боинг 767-300ER агаарын хөлөг анхны нислэгээ Улаанбаатар-Сөүлийн чиглэлд хийхээр өнгөрсөн мягмар гарагийн 13.00 цагт “Чингис хаан” олон улсын нисэх  буудлаас хөөрсөн. Агаарын хөлгийг агаарын хөлгийн дарга, нисгэгч У.Арвинбуян, хоёрдугаар нисгэгч А.Энхжаргал нар жолоодож байгаа бөгөөд Улаанбаатараас 186 зорчигч аялжээ. Эдгээр анхны аялагч дотор Монгол Улсын 15 дахь Ерөнхий сайд Ш.Гунгаадорж гуай багтсан байна. Тиймээс МИАТ ХК-ийн зүгээс Ш.Гунгаадорж гуайд болон бусад зорчигчдодоо дурсгалын зүйл гардуулан өгчээ.