Туул голд амарч байсан залуусыг бүлэг этгээдүүд дээрэмджээ

Өнгөрсөн амралтын өдөр Туул голын эрэг дээр амарч байсан залуусыг үл таних бүлэг этгээдүүд дээрэмдсэн хэрэг гарчээ. Хэргийг тодруулбал, хохирогч А, М нар авто машинтайгаа Туул голын эрэг дээр очиж, унтаж байтал үл таних гурван этгээд халдсан байна. Тэд хар бараан өнгийн хувцастай 20-25 орчим насны хүмүүс байсан талаар хохирогч мэдүүлсэн аж. Танхай этгээдүүд А болон М рүү дайран зодож, машиных нь цонхыг хагалж айлган сүрдүүлсэн байна. Улмаар гэмт этгээдүүд гар утас хоёр ширхэг, нөүтбүүк, проектор, 650.000 төгрөгийн нь дээрэмджээ. Одоогоор уг хэргийг Хан-Уул дүүргийн цагдаагийн хэлтэс шалгаж байна.