Хуучирсан “Татар” шинэчлэгдэв үү, аль эсвэл...

Багагүй хугацаанд уран бүтээлээ завсарласан “Татар”-ын залуус саяхнаас хамтдаа үзэгдэх болж. Тэд урьд нь хамтарч ажилладаг байсан студи продакшнаар хэсч, шинэ бүтээлийнхээ араас хөөцөлдөж яваа нь энэ. Мөн өвөрмөц өнгө аястай дуу гаргах зорилгоор нэгэн авьяаслаг дуучныг хамтлагийнхаа бүрэлдэхүүнд авсан аж.

Өмнө нь ихэвчлэн хайр сэтгэл, алдаа онооны тухай дуулах дуртай байсан “Татар”-ынхан өдгөө амьдралын ээдрээ, аз жаргалын талаар өгүүлэхийг эрмэлзэх болжээ. Энэ нь тэдний гэр бүлийн амьдралтай холбоотой гэдэг нь дамжиггүй. Харин хамтлагийн ахлагч Б.Батзаяа рок попын зарим уран бүтээлчидтэй хамтран хит дуу дуулах болсон нь олон хүнийг дээрхи ярианд эргэлзэхэд хүргэжээ. Тэрбээр дуучин A Cool болон Ж.Хишигдалай нартай хамт хэд хэдэн дуу гаргаснаас хойш ийнхүү олны анхааралд өртсөн аж. Юутай ч, хуучирсан “Татар” одоо шинэчлэгдэх эсэх нь Заяагаас л шалтгаалах болж дээ.

С.Цахиур