Өнөөдрөөс бүртгэлгүй кабелийн утаснуудыг тасална

Нийслэлийн Авто замын газрын газар чөлөөлөлт, инженерийн байгууламжийн хэлтэст бүртгүүлээгүй, эзэмшигч нь тодорхойгүй кабел утаснуудыг өнөөдрөөс эхлэн таслахаар болжээ. Учир нь Улаанбаатар хотод зам барилгын ажил явагдаж байгаатай холбогдуулан гудамж, замын дагуух гэрэлтүүлгийн болон троллейбусны шон дээгүүр татсан холбоо, цахилгааны шугамуудыг буулган шилжүүлж байгаа юм.