Мэдээлэл технологийн ээлжит үзэсгэлэн нээгдлээ

Манай улсад "Орчин цагийн харилцаа холбооны салбар үүсч хөгжсөний 92 жилийн ой, Цахилгаан холбоо, мэдээлэлжсэн нийгмийн Дэлхийн өдрийн хүрээнд Мэдээллийн технологи, шуудан, харилцаа холбооны газраас "ICT expo" үзэсгэлэн нээлээ.

Энэ удаагийн үзэсгэлэнг Засгийн газрын "Үндэсний хиймэл дагуул" хөтөлбөртэй холбогдуулан зохион байгуулж байгаа бөгөөд оролцогчдын бүтээгдэхүүн үйлчилгээний танилцуулга, "КАНСАТ" бичил хиймэл дагуулын үндэсний анхдугаар тэмцээн, программ хангамжийн тэмцээнүүд, эрдэм шинжилгээний хурал, дижитал арт тэмцээн, флаш моб бүжгийн уралдаан, цахим спортын улсын аварга шалгаруулах тэмцээн зэрэг салбарын хөгжлийн хурдыг харуулсан тэмцээнүүд болох юм. Энэхүү үзэсгэлэн энэ сарын 21-нийг хүртэл үргэлжлэх юм.