Тариаланчдыг урамшуулна

Монголчуудынхаа ирэх жилийн хэрэглээний гурилыг бэлтгэхээр тариаланчид талбайдаа гарч байна. Тариаланчдыг цаг агаар зах зээлийн гэнэтийн эрсэдлээс хамгаалахаар 2007 оноос хойш урамшуулж эхэлсэн. Анх нэг хүнд 60 мянган төгрөгийн урамшуулал олгож байсан бол энэ тоо нь өнгөрсөн жилүүдэд 80, 50 мянга зэргээр хэд хэдэн удаа өөрчлөгдсөн.

Хамгийн сүүлд өнгөрсөн онд 100 мянган төгрөгт тогтсон. Харин энэ онд тариаланчдыг хэдэн төгрөгөөр урамшуулах нь наймдугаар сард тодорхой болох юм. Энэ үед тэд ургацаа хурааж тариалалтад хэчнээн хөрөнгө зарцуулсан, ургац хураахад хэр хөлс хүч орсон тухайгаа мэдээлснээр урамшууллын хэмжээг тогтоох юм байна.