Бугат хотын Өвөрмонголчуудад монгол хэл, бичгийг үнэгүй зааж байна

ӨМӨЗО-ны Бугат хотод өвөрмонголчуудад монгол хэл, бичигийг оройн цагаар үнэгүй зааж байна. Бугат хот нь Өвөр Монголын аймгийн зэрэглэлтэй хамгийн том хот бөгөөд монгол хэл төдийлөн хэрэглэдэггүй өвөрмонголчууд цөөнгүй байдаг байна. Тиймээс энэхүү үйл ажиллагааг Бугат хотын Цөөн тоот үндэсний эдийн засаг, соёлыг ахиулах нийгэмлэгээс зохион байгуулж байгаа бөгөөд энэ нь Бугат хотод монгол үндэсний үг, хэллэгийг түгээмэл ашиглахад хувь нэмрээ оруулах зорилготой аж. Бугат хот нь 2 сая 100 мянган хүн амтай бөгөөд үүний 94,16 хувь нь хятад үндэстэн бол 2,98 хувь нь л өвөр монголчууд байдаг гэж википедиа сайтад тэмдэглэжээ.