“Hot Spot”-ын ахлагч Наагий гудамжинд жингээ үзэв

“Киви” хамтлагийн продюссер, ая зохиогч Б.Ангирмаагийн байгуулсан “Hot Spot” хамтлаг өдгөө ид хүчээ авч байгаа. “Банана” гэх өвөрмөц нэртэй байсан ч эрэгтэй хамтлагт тохирохгүй хэмээн нэлээд шүүмжлүүлсэн тул эрхэм хатагтай ийн өөрчилсөн гэдэг. Тус хамтлагийн ахлагч Н.Наранбаатар буюу олонд Наагий нэрээрээ танил болсон дуучин залууг уншигчид маань мэдэх байх. Сүүлийн үед Ц.Хулан, “Киви” хамтлагийн Ука нартай хамт хит дуу дуулж эхэлснээр “од” болох замаа гэрлийн хурдаар зассан тэрбээр стиль имижээ ч онцгой анхаардаг нэгэн. Чамин хослол, ганган гутлаас салдаггүй Наагий саяхны нэгэн өдөр гудамжаар алхан ихэд сэтгэл тэнүүн явж харагдав. Улмаар шилэн тавиуртай жин өмнөө тавьсан буурал эмгэн дээр очоод ихэд элгэмсүү хандаж “Эмээ би жингээ үзчих үү” хэмээн гарч зогслоо.

Тэгээд өөрийн жин хэд хүрснийг хараад нэг их гайхсан ч үгүй “Өө, би 75 килограмм байдаг юм, яг л тэр хэвээрээ байна” гээд мөнөөх эмээд төлбөрийг нь өгчихөөд инээмсэглэж одоход хажуугаар нь зөрсөн охид “Соёлтой, бас царайлаг залуу байна шүү” хэмээн шивэр авир хийлцжээ.

С.Цахиур