Айлын мал хүчдэлд цохиулан үхжээ

Цахилгаан тоноглолынхоо аюулгүй байдлыг иргэд бүрэн хангадаггүйгээс сүүлийн үед цахилгаантай холбоотой хэрэг ихээр гарах болжээ. Энэ сарын 3-ны өдөр агаарын шугамын тулгуур унан ойр орчмын айлуудын мал хүчдэлд цохиулж үхсэн хэрэг гарлаа.

Тодруулбал: Өнгөрсөн сарын 27-ны өдөр Чингэлтэй дүүрэг, Зуунмодны зусланд айлын гаднах цахилгааны кабель залгаа хийгдсэний дээр тухайн газрын хөрс нь намагтай, нойтон байснаас чийг авч, залгаасаараа гэмтэн, газардлага гарсан, мөн энэ сарын 1-ний өдөр Нийслэлийн авто замын эзэмшилд байдаг Баянзүрх дүүргийн 10кВ-ын агаарын шугамын 53-р тулгуурт газардлага гарсан, 3-ны өдөр Төв аймгийн Баянчандмань суманд хувийн эзэмшлийн дугааргүй, 10кВ-ийн агаарын шугамын тулгуур хугарч, унасны улмаас ойр орчмын айлуудын нийт 5 үхэр, 1 адуу хүчдэлд цохиулан үхсэн байна.

Тиймээс иргэд та бүхэн урин дулаан цагийг ашиглан хувийн эзэмшлийн цахилгаан шугам, тоноглолынхоо бүрэн бүтэн, аюулгүй байдалд анхаарч, мэргэжлийн байгууллагад хандан тодорхой хугацаанд тогтмол засвар үйлчилгээ хийлгэж байхгүй бол хүн мал, осолдох аюултай байна.