Түүхийн сор болсон Монгол төрийн уртын дууг Хятадад өндөр үнээр худалджээ

Монгол төрийн уртын дуу гэх түүхийн сор болсон бүтээлийг Уртын дуу судлаач, уртын дуучин М.Дорждагва зохиогчийн эрхтэй нь Хятадад өндөр үнээр худалдаалжээ. Тэрбээр уг бүтээлээ олон жилийн хугацаанд нөр их хөдөлмөр шингээн байж туурвисан бөгөөд өнгөрсөн сарын 12-нд Төрийн түүхийн музейд залах ёслол хийсэн юм. 

Түүний бүтээлд нь Чингис хааны үеийн төрийн дуулал байсан  “Эртний сайхан”-аас эхлүүлээд манай үндэсний уртын дууны сор болсон есөн айзам уртын дууг анх удаа яруу найргийн бүрэн эхээр нь дуулсан байжээ. Энэхүү сор болсон урлагийн бүтээл хэдэн төгрөгний төлөө ийнхүү харь нутгийн оронд эгшиглэх нь.