“Эрүүл, аюулгүй ажиллацгаая” чуулган болно
Хөдөлмөрийн аюулгүй байдал, эрүүл ахуйн асуудал сүүлийн жилүүдэд чухлаар тавигдаж байгаатай холбогдуулан жил бүрийн дөрөвдүгээр сарыг хөдөлмөрийн аюулгүй байдал, эрүүл ахуйн сарын аян болгон орон даяар зохион байгуулсаар ирсэн.
Энэ онд Нийслэлийн Засаг даргын захирамж гарч “Эрүүл, аюулгүй ажиллацгаая” уриан дор сарын аяныг нутаг дэвсгэрийн онцлогт нийцүүлэн шинэлэг хэлбэрээр зохион байгуулж байгаа юм.
Аяны хүрээнд Улаанбаатар хотод үйл ажиллагаа явуулж байгаа зам тээвэр, барилга, үйлдвэрлэлийн салбарын аж ахуй нэгж байгуулагуудад хөдөлмөрийн аюулгүй байдал, эрүүл ахуйн тухай хуулийг мөрдөн ажиллах, түүнийг хэрэгжүүлэхэд чиглэгдсэн сургалт сурталчилгаа хийх, мэргэжлээс шалтгаалах өвчлөл, хөдөлмөрийн нөхцөлийн төлөв байдалд судалгаа дүгнэлт хийж, холбогдох арга хэмжээг төрийн, хувийн хэвшлийн төлөөллийн байгууллагуудтай хамтран хэрэгжүүлэх, барилгын салбарт ажиллагсдын мэргэжлээс шалтгаалах өвчлөлийг багасгах зорилгоор “Эрүүл барилгачин” аян өрнүүлэх, ХАБЭА хариуцсан ажилтнуудад зориулсан гарын авлага боловруулах зэрэг шат дараатай олон ажил зохион байгуулж байна.
“Эрүүл, аюулгүй ажиллацгаая” уриан дор зохион байгуулагдаж буй сарын аяны хүрээнд “Хөдөлмөрийн аюулгүй байдал, эрүүл ахуйн чуулган”-ыг хөдөлмөр нийгмийн гурван тал хамтран зохион байгуулна.
Чуулган өнөөдөр 10:00 цагт Засгийн газрын 11 дүгээр байрны Хурлын танхимд болно.
Чуулганы үеэр хөдөлмөр хамгааллын хувцас, хэрэглэлийн үзэсгэлэн худалдаа явагдана.
Мөн дараах сэдвүүдээр итгэл тавигдаж, хэлэлцүүлэг явагдах юм.
-“Хөдөлмөрийн аюулгүй байдал, эрүүл ахуйн талаар төрөөс хэрэгжүүлж буй арга хэмжээ, хууль, дүрэм, журам”
-“Үйлдвэрлэлийн ослыг судлан бүртгэхэд ААНБ-ын гаргаж буй зөрчил дутагдал”
-“ХАБЭА тухай хуулийн хэрэгжилтийг хангахад ҮЭ-ийн оролцоо”
-“Барилгын салбарын ХАБЭА-н тогтолцоог шинэчлэх нь ”
-“ХАБЭА-н удирдлагын тогтолцоо, ажил олгогч эздийн оролцоо”
-“Мэргэжлээс шалтгаалах өвчлөл” .
Холбоотой мэдээ
Сэтгэгдэл ( 0 )