С.Зоригийн МЭНДЭЛСЭН өдөр | Түүний онцлох ЭШЛЭЛ

Ардчилсан хувьсгалын анхдагчдын нэг, төр, нийгмийн нэрт зүтгэлсэн С.Зоригийн мэндэлсэн өдөр тохиож байна. Тэрбээр өнөөдөр амьд сэрүүн байсан бол 64 нас хүрэх байлаа. Үзэл санаа хийгээд үйл хэргийн түүчээнд явсан түүний хэлсэн үгсээс онцлох эшлэлүүдийг хүргэж байна.

"Японы түвшинд очтол өдий байгаа ч би монгол хүний саруул ухаанд итгэдэг"

"Хамгийн их санаа зовоож байгаа зүйл бол цаашид манай орны хувь заяа"

"Би хамгийн гэдэг үгэнд дургүй, хамгийн гэдэг цор ганц зүйл хэзээ ч байхгүй"

"Төрийн залгамж холбоо гэдэг юм зайлшгүй зүйл"

"Залуучуудыг дэвшүүлж гаргах нь зөв. Харин мэргэжлийн өндөр ур чадвартай хүмүүст зайлшгүй тулгуурлан ажиллах шаардлагатай"

"Манайхан УИХ-ын гишүүн болчихоор өөрийгөө хамгийн их юм мэддэг, хамгийн ухаантай хүн болчихлоо гэж бодоод байх шиг байна"

"УИХ-ын гишүүд бид бие биеэ хүндлэхгүй бол, төр нь өөрөө өөрийгөө хүндлэхгүй бол энэ улс чинь яаг нэгнийгээ хүндэлдэг, хайрладаг нийгэмтэй болох юм бэ"

"Монголчууд бид цөөхөн. Тиймээс бие биедэ итгэж байж л хөгжинө"

"Өнөөдөр жижиг сонирхлууд давамгайлах хандлага гаргачихаад байна. Үүнийг шийдвэртэй даван туулах цаг боллоо шүү дээ"

"Бидний хувь заяа бидний гарт л байна"

"Шинэ баялгийг бий болгохын тулд хөрөнгө оруулалтыг нэмэгдүүлэх, ингэснээр хүмүүсийг ажилтай болгох нь чухал"

"Сонгуулийн тогтолцоо нь ард түмний хүсэл зоригийг үнэн зөв илэрхийлэх ёстой. Үүнийг гажуудуулбал ардчиллын утга учир алдагдана"

"Сонгуулийн тогтолцоо нь зөвхөн том намуудад бус, жижиг намуудад ч боломж олгох хэрэгтэй"

"Улс төрд шийдвэр гаргахдаа дараах дөрвөн ашиг сонирхлыг авч үзэх хэрэгтэй. Нэн тэргүүнд улсынхаа ашиг сонирхлыг, хоёрдугаарт намын ашиг сонирхлыг, гуравдугаарт бүлгийн сонирхлыг, хамгийн сүүлд хувийн ашиг сонирхлоо тавья. Энэ дарааллаа алдаж болохгүй. Алдах юм бол ялзрах түвшинд орно"

"Ухаан бол өөрөө авьяас"