Маргааш Ерөнхий сайдад нэр дэвшигчийг ТОДРУУЛНА

Өнгөрөгч баасан гарагт  /2025.06.06/ МАН-ын Удмрдах зөвлөл хуралдаж, Ерөнхий сайдад нэр дэвшигчийг тодруулах Бага хурлын товыг гаргасан. 

Тус намын Бага хурал ирэх даваа гараг буюу зургаадугаар сарын 9-ний өдрийн 11.00 цагаас болох бөгөөд уг хурлаар Монгол Улсын 34 дэх Ерөнхий сайдад нэр дэвшигчийг тодруулна. 

Дараагийн ерөнхий сайдыг Үндсэн хуулийн Дөчин гуравдугаар зүйлийн 2 дахь хэсэг, Дөчин дөрөвдүгээр зүйлийн 2 дахь хэсэгт заасны дагуу 30 хоногийн дотор томилох хуультай. Өөрөөр хэлбэл ирэх долоодугаар сарын 3-ны өдрөөс өмнө шинэ Ерөнхий сайдыг томилох ёстой. Гэсэн ч энэ хугацаанд томилж чадахгүй бол УИХ-ын тухай хуулийн 34.3.2, 34.3.3-т заасны дагуу Ерөнхийлөгч УИХ-ыг тараах шийдвэр гаргах юм.