У.Хүрэлсүх | Монгол Улсад хүн засаглахгүй, хууль засаглана

Яг одоо үргэлжилж буй УИХ-ын чуулганд Монгол Улсын Ерөнхийлөгч У.Хүрэлсүх орж ирлээ.

Тэрбээр "Ерөнхий сайдын ажлыг өмнө нь хийж байсан хүний хувьд зовлон жаргалыг мэдэж, хайрладаг. Хувь хүний асуудал би ярихгүй. Монгол Улсад хүн засаглахгүй хууль засаглана.

Миний итгэл үнэмшил бол парламент. Ерөнхийлөгчийн эрх мэдэлд байсан Авлигатай тэмцэх газрыг гүйцэтгэх засаглалд шилжүүлсэн. Би өөрөө парламент руу шилжүүлэх ажлыг хийсэн. Өнөөдөр ШЕЗ-ийг хуучин Ерөнхийлөгч байгуулдаг байсан бол парламент руу шилжүүлсэн. Ийм л байдал бий. Түүнээс Ерөнхийлөгч хэн нэгнийг дарамталсан зүйл байхгүй. Тийм учраас Үндсэн хуульд нэмэлт өөрчлөлт оруулахгүй гэдгийг би албажуулж тавьсан. Энэ ардчиллын баталгаа бол парламент. Би өөрийгөө зургаан жилээр дахин сонгогдохгүй.

Би баялгын сангийн хуулийг анх санаачилсан хүн. Монголын ард түмний баялагыг ард түмэнд байх ёстой гэж ойлгодог. Ерөнхийлөгч бол цаашдаа ч баялгаа ард түмэндээ өгөх талд зогсоно” гэлээ.

Мөн тэрбээр "Ард түмнийхээ төлөө явна, хамтарсан Засгийн газрыг би боломж бүрээр дэмжсэн" гэж мэдэгдлээ.