Гэдсээ нуухыг хүссэн эрчүүд хэрхэн хувцаслах ёстой вэ?
Таргалж, жин нэмээд гэдэс нь урагшаагаа нэлээд гарчихсан эр хүн тун өрөвдөлтэй харагддаг. Гэхдээ ямар ч эр хүний бие тодорхой насанд хүрсэн цагаасаа эхлэн өөх тос хуримтлуулж эхэлдэг нь тэдний буруу биш. Яаж ч хичээгээд тамирчид шиг гэдэсний булчинтай болж чадахгүй бол ядаж, хүмүүст анзаарагдахгүйгээр нууж сурах нь чухал.
Дүрэм 1 – Чөлөөтэй хувцас
Бие барьсан хувцасны талаар бүр мөсөн март. Цамц, майк юу ч байсан өмдрүүгээ чихдэг зангаа зас. Өргөн чөлөөтэй цамц, пиджак, ер нь нэг размер том хувцас өмсөөрэй.
Дүрэм 2 – Урт хувцас
Богино хувцас өмсөх нь гэдэс гүзээг улам ил гаргадаг. Цамц, хүрэм, пальто авахдаа гуя хүртэлх урттайг авбал таны гэдэс хүнд мэдэгдэхгүй.
Дүрэм 3 – Хувцсаа хэзээ битгий товчил
Хувцасны босоо шугам өөрөөр хэлбэл цамцны товчны эгнээ, хүрэмний цахилгаан хүний биеийг эгц шулуун харагдуулдаг. Дээр нь урдах товчоо тайлаад, цамцаа задгай тавихад бүр ч гоолиг харагдана.
Дүрэм 4 – Хар хувцас
Харанхуйд бүх юм алга болно, таны гэдэс ч гэсэн. Тиймээс задгай цамцан дотор ямар ч зураггүй хар футболка өмсөхөд л та гоолиг болж хувирна.
Дүрэм 5 - Мөрний дасгал хий
Гэдэснээсээ салж чадахгүй байна гэдэг нь хүчний дасгал огт бүү хий гэсэн үг биш. Мөрний дасгал хийж, мөрөө бадируун болгоход л та бүдүүн биш булчинлаг залуу харагдах учиртай. Салхинд хийсээд уначих жаахан банди биш жинхэнэ эр хүн. Дасгалын үр дүнг хүлээж байх хугацаандаа мөртэй хувцас өмсөж заншаарай.
Холбоотой мэдээ
Сэтгэгдэл ( 0 )