ДОРНЫН ЗУРХАЙ: Насан бүтээл хийлгэхэд ӨЛЗИЙТЭЙ сайн

Аргын тооллын 6 сарын 27, Ангараг гараг. Билгийн тооллын 9

ЗУНЫ ДУНД ШАР МОРЬ САРЫН ЕСӨН УЛААН УЛААН ЛУУ ӨДӨР

• Үс засуулвал: Өвчин өчүүхэн ирнэ.
• Наран ургах, шингэх: 04.55-20.55
• Барилдлага: Хүчин төгсөх   
• Шүтэн барилдлага: Хуран үйлдэхүй   
• Суудал: Ус

Аргын тооллын 6 сарын 27, Ангараг гараг. Билгийн тооллын 9, Тэргүүн дагуул одтой, улаан луу өдөр. Өдрийн наран 4 цаг 55 минутад мандан, 20 цаг 55 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.