ДОРНЫН ЗУРХАЙ: Хишиг дуудуулахад ӨЛЗИЙТЭЙ сайн
Аргын тооллын 6 сарын 13, Ангараг гараг. Билгийн тооллын 25
ЗУНЫ ТЭРГҮҮН УЛААГЧИН МОГОЙ САРЫН ТАВАН ШАР ХАР БАР ӨДӨР
- Үс засуулвал: Нүд бүрэлзэн улцайна
- Наран ургах, шингэх: 04.53-20.52
- Барилдлага: Хүчин төгсөх
- Шүтэн барилдлага: Авахуй
- Суудал: Мод
Аргын тооллын 6 сарын 13, Ангараг гараг. Билгийн тооллын 25, Шийдэм одтой, хар бар өдөр. Өдрийн наран 4 цаг 53 минутад мандан, 20 цаг 52 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, гөлөг тэжээхэд муу.
Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
Холбоотой мэдээ
Сэтгэгдэл ( 0 )