Е-Спортын тамирчин ховор өвчин тусжээ

Таиландын “Valorant” е-спортын тамирчин Танаметхка Махаттханануют гэгч 26 настай залууд Беллийн саа буюу нүүрний захын мэдрэлийн саа өвчин илэрчээ.

Тэрбээр энэ ховор өвчний улмаас БНСУ-д болсон тэмцээнд оролцож чадаагүй байна. Онош тавьснаас хойш түүний биеийн байдал сайжирч байгаа талаар тэрбээр ярьжээ.

Беллийн саа өвчин нь удаан хугацаанд даарах, вирусийн халдвар авах эсвэл үрэвсэл үүссэнтэй холбоотой аж. Беллийн саа өвчний үед нүүрний нэг талын булчин суларч, улмаар нэг тал нь унждаг байна. Одоогоор энэ өвчнийг эмчлэх аргыг олоогүй байгаа ч ихэнх өвчтөнүүд хэдэн долоо хоногийн дараа эдгэрдэг байна.