Ш.Энхийн-Од NCAA-д анхны тоглолтоо хийлээ

Ц.Энхтүвшин, "Таван цагариг"

Өнөөдөр буюу 2022 оны арван нэгдүгээр сарын долоон Монголын спортын, манай сагсан бөмбөгийн түүхэнд тодоор бичигдэн үлдлээ.

Удам дамжсан сагсан бөмбөгч монгол хүү Шаравжамцын Энхийн-Од АНУ-ын NCAA (National Collegiate Athletic Association)-ий нэгдүгээр дивизионд энэ улирлын анхны тоглолтоо Дэйтоны их сургуулийн Dayton Flyers Basketball багийн бүрэлдэхүүнд хийлээ.

"Mongolian Mike" хэмээх хоч нэртэй хэдийнээ болоод амжсан Ш. Энхийн-Од маань гарааны тавд гарсан төдийгүй энэ тоглолтод өөрийн багаас хамгийн өндөр оноог (14) авч, 3 самбар, 5 ассист өглөө.

Энхийн-Одын баг энэ тоглолтод Линденвүүдийн их сургуулийн багийг 73:46-аар илүүрхэн хожиж, энэ улирлын гараагаа сайхан эхэллээ.

Монгол хүү эл өдөр NCAA-д мөрөө гаргалаа. Тун удахгүй NBA-д түүхээ бичих өдөр ирнээ!