ДОРНЫН ЗУРХАЙ: Үс засуулвал эрхтэн хурц болно

НАМРЫН ТЭРГҮҮН УЛААН БИЧ САРЫН ГУРВАН ХӨХ МЭНГЭТЭЙ ШАР НОХОЙ ӨДӨР

• Аргын тооллын: 2021.08.18 / Лхагва гараг
• Билгийн тооллын: 11
• Үс засуулвал: Эрхтэн хурц болно.
• Наран ургах, шингэх: 05.51-20.01
• Барилдлага: Рашаан
• Шүтэн барилдлага: Төрөн түгэхүй   
• Суудал: Мод

Тухайн өдөр бар жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.