ДОРНЫН ЗУРХАЙ: Үс засуулвал сайн нөхөртэй нөхөрлөнө

ЗУНЫ ДУНД ХӨХ МОРЬ САРЫН ЕСӨН УЛААН МЭНГЭТЭЙ УЛААГЧИН ХОНЬ ӨДӨР

• Аргын тооллын: 2021.06.28, Даваа гараг
• Билгийн тооллын 19, Тооно одтой, улаагчин хонь өдөр
• Үс засуулвал: Сайн нөхөртэй нөхөрлөнө
• Наран ургах, шингэх: 04.56-20.55
• Барилдлага: Рашаан   
• Шүтэн барилдлага: Тийн мэдэхүй   
• Суудал: Огторгуй

Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн.