Богдхан уул шатаж байна
Харамсалтай Богдхан уул минь шатсаар л байна. Гурав хоногийн өмнөөс Богдхан уулын Залаатын ам, Баруун ширээт уулыг тойрсон таван газарт гал түймэр асаж эхэлсэн. Тухайн газруудад Хан-Уул, Баянзүрх дүүргийн онцгой байдлын хэлтэс болон Богдхан уулын Дархан цаазат газрын хамгаалалтын захиргааны баг ажиллаж өнөөдрийн /2017.06.10/ байдлаар хоёр газрын түймрийг унтраагаад байна. Үлдсэн гурван газрын түймэр тэлсэн байх магадлалтай гэж байгаль хамгаалагч нар хэлж байна. Мөн Нийслэлийн онцгой байдлын газрын ажлын хэсэг асаж буй түймрийн голомт дээр ажиллахаар явжээ.
Уг газар нь нийслэлчүүдийн амарч, зугаалдаг цөөн газруудын нэг. Аялж буй иргэд гал алдсанаас их хэмжээний гал гарах шалтгаан болжээ. Үүссэн нөхцөл байдалтай холбогдуулж Богдхан ууланд аялж зугаалахыг түр хугацаагаар хориглоод байна. Татаж байсан тамхины ишээ бүрэн унтраалгүй ойд хаях, мах шарж идэх зэргээр гал асаадаг, эцэст нь гал алддагаас болж, байгаль орчинд асар их хэмжээний хохирол учруулах болсон тул хориг тавигдсаны дараа ч галын аюулгүй байдлыг өндөр хэмжээнд хангаж аялах ёстойг албаныхан анхааруулж байна. Мөн түймэр гарсантай холбоотойгоор Богд уул руу явах бүх алхалтыг хориглоод байгаа юм.
С.Баяр
Эх сурвалж: ZINDAA.MN
Холбоотой мэдээ
Сэтгэгдэл ( 2 )
Эрт ингэж зам хаах байсан юм. Бороо орж газар ой мод бүрэн чийгээ авч нойтон болтол улсын хэмжээнд бүх явган аялал гм-г хориглох хэрэгтэй байна. Яам санаачилж УИХ хууль гаргах хэрэгтэй байна
munhnaran eej