Тэд хичээл хаялт дахин зарлажээ

Хараагүй хүүхдүүдийн тусгай сургалттай 116 дугаар сургуулийн сурагчид дахин  хичээл хаялт зарлажээ. Тэд өмнө нь  "Харааны бэрхшээлтэй хүүхдүүд биднийг сурахад томчууд та бүхэн бүү саад болооч" хэмээн уриалж, багш нарын мэдлэг боловсрол, ёсзүйг дээшлүүл, түүх, нийгмийн багш Д.Сарантөгсийг эргүүлэн ажилд нь оруулж өгөөч гэсэн шаардлагуудыг сургуулийн удирдлагад тавьсан боловч хүлээж авахгүй байна гэх шалтгаанаар хичээл хаялт зарлаж байсан юм.

Мөн хичээл хаялтынхаа хүрээнд, Холбогдох хуулийн дагуу Харааны бэрхшээлтэй хүүхдийн 116-р сургуулийг Нийслэлийн Сүхбаатар дүүргийн харьяанаас гаргаж, БСШУС-ын шууд харьяанд шилжүүлэх, Харааны бэрхшээлтэй хүүхдийн 116-р сургуулийн сургалтын орчин,шаардагдах тонгог төхөөрөмж, сургалтын хэрэглэгдэхүүнд зохион журмын дагуу сайжруулж,  шинээр олгох өгөх, Асуудлаа мэддэггүй, сэтгэлгүй, зүтгэлгүй, чадваргүй өнөөгийн удирдлагыг өөрчлөх  гэсэн шаардлага тавьж байсан юм.

Тэгвэл, тэд өнөөдөр дахин хичээл хаялт зарласан талаар эх сурвалж мэдээллээ.

С.Баяр

Эх сурвалж ZINDAA.MN