Цасаа цэвэрлээгүй бол тусгай зөвшөөрлийг цуцлах хүртэл хариуцлага тооцно
Өвлийн эхэн сар дөнгөж эхэлсэн энэ өдрүүдэд нийслэл хотын гудамж талбай мөсөн гулгуурын талбай мэт болжээ.
"Цаашдаа ч хүйтний эрч чангарах төлөвтэй байгаа" гэдгийг Ус цаг уур, орчны шинжилгээний хүрээлэнгээс сануулсаар байгаа юм. Их хэмжээний цас унаснаар гудамж талбай цас, мөсөнд дарагдаж, хальтиргаа гулгаа ч нэмэгдэж байна. Үүний улмаас иргэд бэртэж гэмтэх тохиолдол ихээр гарч байна.
Иймд Аж ахуйн нэгж, байгууллагууд ойр орчныхоо 50 метр талбайн цасаа цэвэрлэх үүрэгтэй. Энэ үүргээ биелүүлээгүй тохиолдолд ААН-үүдэд хариуцлага тооцохоор болжээ.
Тодруулбал, Нийслэлийн Засаг даргын тамгын газраас олгож буй “Худалдаа үйлдвэрлэл үйлчилгээ эрхлэх гэрчилгээ”-г түдгэлзүүлэх, хүчингүй болгох, тусгай зөвшөөрлийг түдгэлзүүлэх, хүчингүй болгох, газар эзэмших эрхийг түдгэлзүүлэх, цуцлах болон удаа дараа шаардлага биелүүлээгүй аж ахуйн нэгж, байгууллага, иргэний эрчим хүчний хангамж, хэрэглээг түдгэлзүүлэх аж.
Б.Алтжин
Сэтгэгдэл ( 1 )
автобусны буудлын ЖУНГЛИ мэт шар түц - нүд 50 -м газар цэвэрлх ү? үүднийхэ 50 см газрыг бол магадгүй э.тусгай зөвшөрлө май гэд өгх ү? шар цамцтнуд сайн байга шү. даанч гар мухар юм шигэ?