”Дата анализ, статистикийг амьдралд ашиглрах нь” сэдэвт нээлттэй хэлэлцүүлэг болов

БСШУСЯ, ШУА-иас олон нийтэд зориулан “Эрдэмтдийн үг” цуврал лекцийг зохион байгуулж байгаа билээ. Зургаа дахь удаагийн лекцийн зочин эрдэмтнээр МУИС-ийн Математикийн хүрээлэнгийн захирал, доктор, дэд профессор Ү.Отгонбаяр уригдаж, “Дата анализ, статистикийг амьдралд ашиглах нь” сэдвээр 2016 оны 11 дүгээр сарын 18-ны өдөр олон нийтэд нээлттэй лекц уншлаа.

Мэдээллийн болон тооцоолон бодох технологийн үсрэнгүй хөгжилтэй зэрэгцэн аж үйлдвэр, хөдөө аж ахуй, нийгэм, шинжлэх ухааны бүхий л салбарт хором тутам их хэмжээний дата үйлдвэрлэгдэн гарч байна. Үүнтэй холбогдуулан, энэ датад анализ болон статистик үнэлгээ хийх, математик загвар гаргах, цаашилбал аливаа шийдвэр гаргахдаа эдгээр үр дүнгүүдээ ашиглах зэрэг шаардлага өдөр ирэх тутам нэмэгдэж байна. Лекцээр бодит амьдралд дата анализ хэрхэн ашиглагдаж байгаа талаар сонирхолтой жишээнүүд ашиглан тайлбарлажээ.