Тагтнаас зүүгдсэн 10 настай хүүхдийн амийг аварчээ

Өнгөрсөн бямба гаригийн  өдрийн 18:30 минутад Баянзүрх дүүргийн 4-р хорооны нутаг дэвсгэрт айлын тагтнаас хүүхэд өөрийгөө боосон байдалтай зүүгдэж байна гэсэн мэдээлэл цагдаагийн байгууллагад иржээ.

Дуудлагын дагуу Хэв журмын албаны дэд түрүүч  Б.Мөнхжаргал, ахлах ахлагч Ө.Батбаатар нар шуурхай очиж шалгахад 10-н настай хүүхэд олсоор цээжээ ороосон байдалтай тагтнаасаа зүүгдэж байсныг тогтоож, гэрийн хаалгыг эвдэн орж амь насыг нь аварчээ. Үүргээ амжилттай биелүүлж, бага насны хүүхдийн амь насыг аварсан хоёр алба хаагчдаа ажлын амжилт хүсье. Эцэг эхчүүд маань бага насны хүүхдээ ганцааранг нь гэртээ орхихдоо цонх, тагтаа сайтар цоожилж, аль болох харгалзах хүнтэй үлдээж байхыг цагдаагийн байгууллагаас анхааруулж байна.