“Шунхлай”-н агуулахын шийдэнд гал гарчээ

Нийслэлийн Сонгинохайрхан дүүргийн 20 дугаар хороонд байрлах Шунхлай ХХК-ийн  газрын тосны бүтээгдэхүүний агуулахын дэргэдэх станц буюу цахилгааны шийдэнд өчигдөр гал гарчээ. Нийслэлийн онцгой байдлын газарт өчигдөр 15.04 цагт уг галын дуудлага ирэн аврах гал унтраах ангийн бүрэлдэхүүн цаг алдалгүй шуурхай ажилласнаар шатахуун хадгалсан агуулах руу гал алдлгүй  17.22 цагт галыг бүрэн унтрааж аюулгүй болгосон байна. Уг хэргийн газар цагдаагийн бие бүрэлдэхүүн шалгалт хийн ажилласан байна. Одоогоор галын шалтгааныг эцэслэн тогтоохоор ажиллаж байгаа аж.