Н.Батбаяр сайдыг огцруулах асуудлыг хэлэлцэнэ
УИХ дахь Эдийн засгийн байнгын хорооны хуралдаан өнөөдөр 14.00 цагт хуралдаж, Эдийн засгийн хөгжлийн сайдын асуудлыг хэлэлцэнэ. МАН-аас эдийн засгийн хямрал, үүссэн нөхцөлд хариуцаж буй салбарын сайд нь буруутай хэмээн үзэж, Н.Батбаярыг огцруулах асуудлыг өргөн мэдүүлсэн. Хуулийн дагуу энэ асуудлыг долоо хоногийн дотор байнгын хороо, чуулганы хуралдаанаар хэлэлцэх ёстой ч гурван удаа хойшилсон юм.
Гурван ч удаа хойшилсон энэ асуудлыг АН-ынхан санаатайгаар хойшлуулж байна хэмээн МАН-ынхан шүүмжилсэн. МАН-ын Эдийн засгийн хөгжлийн сайдыг огцруулах асуудлыг хоёр дахь удаа тавьж байгаа бөгөөд өмнө нь олонхийн бүлэг огцруулах шаардлагагүй хэмээн авч үлдэж байсан юм. Харин энэ удаад Н.Батбаяр сайд суудалдаа үлдэх эсэхийг УИХ-ын гишүүд шийдвэрлэнэ.
Сэтгэгдэл ( 1 )
наана чинь ардчлал явагдаж байна АН эдийн засаг хийгэмээ нурааж гүйцээгүй байхад яаж огцруулах юм өөр олигтойхон нураах хүн олдохгүй шүү дээ