Үндэсний бичиг үсгийн баяр болно

Жил бүрийн тавдугаар сарын эхний долоо хоногийг орон даяар “Үндэсний бичиг үсгийн баяр” болгон тэмдэглэдэг. Энэ ажлыг тохиолдуулан МУИС, ШУИС-ийн хүмүүнлэгийн ухааны салбарын Монгол хэл, хэл шинжлэлийн тэнхим, ССАЖЯ-ны Соёл урлагийн бодлогын хэрэгжилтийг зохицуулах газар, Монгол бичиг соёлын “Хос уянга” нэгдэл хамтарч уламжлал болгон зохиож ирсэн Ардын багш Д.Чойжилсүрэнгийн нэрэмжит “Монгол бичгийн улсын уралдаан” болох юм. Энэ удаагийн уралдааны онцлог нь цахим орчинд монгол бичгийн хэрэглээг өргөжүүлэхэд чиглэжээ. Тус уралдаан нь их, дээд сургуулийн оюутнуудын дунд мэргэжлийн болон мэргэжлийн бус ангиллаар 13 дахь жилдээ, төрийн албан хаагчдын дунд тав дахь жилдээ, ерөнхий боловсролын сургуулийн монгол хэл бичгийн сургуулийн багш нарын дунд гурав дахь жилдээ зохиогдож байгаа юм.